ისტ-ის ტრენინგები ბიბლიოთეკარებისთვის

2017 წლის 8 თებერვალს ბათუმის მასწავლებლის სახლში დაიწყო ახალი ტრენინგ-კურსი - „ინფორმაციულ-საკომუნიკაციო ტექნოლოგიების საბაზო კურსი სკოლის ბიბლიოთეკარებისთვის“. 

ტრენინგ-კურსის ორგანიზატორია მასწავლებელთა პროფესიული განვითარების ეროვნული ცენტრი; ინფორმაციულ-საკომუნიკაციო ტექნოლოგიების ტრენინგების პროგრამა. ტრენინგს ატარებს ეროვნული ცენტრის ტრენერი- გვანცა სალია.

ეს არის რიგით მესამე მოდული ბათუმისა და ხელვაჩაურის საჯარო სკოლების იმ ბიბლიოთეკარებისათვის, რომელთაც უკვე წარმატებით გაიარეს სკოლის ბიბლიოთეკარის პროფესიული განვითარების კურსის ორი მოდული: 

• ბიბლიოთეკარის ეფექტური მუშაობის მეთოდიკა მშობლებთან, მოსწავლეებთან, მასწავლებლებთან და ადმინისტრაციასთან; 

• საბიბლიოთეკო ღონისძიებების მოწყობა.

ტრენინგის მიზანია: ტექნოლოგიების დახმარებით მოსწავლის საჭიროებაზე მორგებული ინოვაციური სასწავლო გარემოს დანერგვის ხელშეწყობა. ბიბლიოთეკარების მხრიდან ციფრული კულტურის სკოლაში დანერგვის უზრუნველყოფა.

კურსის ხანგრძლივობა: 24 საკონტაქტო საათი. 8 დღე -3 საათი.

მსმენელთა რაოდენობა: 10-15 მონაწილე.

კურსის წარმატებით გავლის შემდეგ მონაწილე შეძლებს: 

• ტექსტურ რედაქტორში მუშაობას

• ელექტრონულ ცხრილებთან მუშაობას

• ინტერნეტის გამოყენებას პროფესიული მიზნებისთვის

• ელექტრონული ფოსტის გამოყენებას

სერტიფიცირების პირობებია: 

• მინიმუმ 18 საათზე დასწრება; 

• ტრენინგით გათვალისწინებული ელექტრონული სასწავლო რესურსების შექმნა.

ბიბლიოთეკარების პროფესიული განვითარების ტრენინგები ეტაპობრივად ყველა მუნიციპალიტეტში განხორციელდება.