ტრენინგი ქობულეთის სკოლების დირექტორებისათვის

 

2018 წლის 10-11 და 17-18 ნოემბერს აჭარის განათლების ფონდის, ბათუმის მასწავლებლის სახლის ეგიდით ქობულეთის №1 საჯარო სკოლაში ჩატარდა  სკოლის საქმისწარმოების ტრენინგ-მოდული ქობულეთის სკოლების  დირექტორებისათვის.

ტრენინგის მსმენელებმა მოისმინეს სამი მოდული: 

1. „სკოლის საქმისწარმოება, კორესპონდენცია, ხელშეკრულებები, დაარქივება“. (8 სთ.) განსახილველი საკითხები: სკოლაში წარმოებულ კორესონდენციის სახეები; კორესპონდენციის წარმოების წესი; შრომითი ხელშეკრულებების რეკვიზიტები; მისი გაფორმებისა და შეწყვეტის წესი; სკოლაში არსებული კორესპონდენციის დაარქივების წესი. 

2. „მოსწავლის რეგისტრაცია და პირადი საქმისწარმოება“, (4 სთ.) განსახილველი საკითხები: მოსწავლის სკოლაში პირველადი რეგისტრაციის წესი; რეგისტრაციის შემდგომი დოკუმენტაციის წარდგენის ვადები; ინდივიდუალური-სამართლებრივი აქტის გამოცემის წესი; მოსწავლის მობილობის დროს განსახორციელებელ პროცედურები; მოსწავლის პირადი საქმისწარმოების დეტალები. 

3. „ელექტრონული კომუნიკაცია (eflow) და საჯარო ინფორმაციის გაცემის წესი“, (4 სთ.) განსახილველი საკითხები: საჯარო ინფორმაციის არსი; საჯარო ინფორმაციის მოთხოვნის წესი; საჯარო ინფორმაციის გაცემის ვადები; საჯარო ინფორმაციის გაცემის სახეები; უარის წესი საჯარო ინფორმაციაზე; საჯარო ინფორმაციის გაცემაზე სკოლაში პასუხისმგებელი პირის გამოყოფის წესი; ელექტრონული (eflow) დოკუმენტბრუნვა, ელექტრონული ხელმოწერის მფლობელი, ელექტრონული დოკუმენტბრუნვის შედგენა და სავალდებულო რეკვიზიტების ელექტრონული დოკუმენტის შექმნა, ვიზირება, გაგზავნა, მიღება, დამუშავება და შენახვა.

მსმენელები უზრუნველყოფილი იყვნენ საკითხავი მასალითა და პრაქტიკული სავარჯიშოებით. ტრენინგ-კურსის წარმატებით გავლის შემდეგ ისინი მიღებენ ცნობას.

ქობულეთის N1 საჯარო სკოლაში ტრენინგს ატარებდა ბათუმის მასწავლებლის სახლის ტრენერი მარიზა აბაშიძე. 

11 ნოემბერს  ტრენინგის მიმდინარეობას გაეცნო: აჭარის განათლების ფონდის/ ბათუმის მასწავლებლის სახლის დირექტორის მოადგილე - ლალი ლომთათიძე. 

ტრენინგების მონიტორინგს მუდმივად  ახორციელებს აჭარის განათლების ფონდის/ბათუმის მასწავლებლის სახლის მონიტორინგის სამსახურის სპეციალისტი - ნათია ბჟალავა.