სამუშაო შეხვედრა განათლების დაწყებითი საფეხურის ტრენერებთან
2019 წლის 7 თებერვალს აჭარის განათლების ფონდში (ბათუმის მასწავლებლის სახლი) ჩატარდა სამუშაო შეხვედრა განათლების დაწყებითი საფეხურის ტრენერებთან. სამუშაო შეხვედრას ესწრებოდნენ: აჭარის განათლების ფონდის დირექტორის მოადგილე - ლალი ლომთათიძე, კოორდინატორი - ირმა მახარაძე და განათლების დაწყებითი საფეხურის ტრენერები - ნინო ვაშალომიძე, დალი თურმანიძე, ნინო მალაზონია, მზია სალაძე.
აჭარის მაღალმთიანი სკოლების პედაგოგების მხრიდან არის დიდი მოთხოვნა კლას-კომპლექტის ტრენინგების ჩატარების თაობაზე, რომელზეც მონაწილეები გაეცნობიან და მიმოიხილავენ კლას-კომპლექტების თავისებურებებს, კლასის ორგანიზების ფორმებს, სასწავლო ზონებში მუშაობის სპეციფიკას; გაკვეთილის დაგეგმვას, თანამშრომლობითი სწავლების მეთოდებს, სწავლის პროცესში მოსწავლეთა ინდივიდუალური თავისებურებების გათვალისწინების სპეციფიკას.
გადაწყდა აჭარის განათლების ფონდის ადმინისტრაციისა და ტრენერების ძალისხმევით შეიქმნას ტრენინგ-მოდული დაწყებითი საფეხურის კლასების მასწავლებელთათვის, რომლებიც ასწავლიან კლას-კომპლექტში.
მოდული იქნება წარმოდგენილი სრული პაკეტით: ტრენერის მასალები, მსმენელის მასალები, პრეზენტაციები.
ტრენინგის გავლა უფასო იქნება აჭარის საჯარო სკოლების მოქმედი მასწავლებლებისთვის.