დამრიგებლის საქმიანობის ტრენინგები ქედასა და ქობულეთში
დამრიგებლის ფუნქციაა მოსწავლებში ნიჭისა და ძლიერი მხარეების აღმოჩენა, მათი შინაგანი ძალების აქტივაცია, ნიჭისა და შესაძლებლობების გამოვლენისათვის პირობების შექმნაა.
2019 წლის 9-10 ნოემბერს, ქედასა და ქობულეთში დაიგეგმა და ჩატარდა ტრენინგ-კურსი - “დამრიგებლის საქმიანობის ხელშეწყობა”. კურსი მოიცავს 10 საკონტაქტო და 5 არასაკონტაქტო საათს (ორი სატრენინგო დღე, დღეში 5 სთ.)
ტრენინგებს ატარებდნენ ტრენერები: მარიზა აბაშიძე (ქ. ქობულეთის 1-ლი საჯარო სკოლა) და ანა ლორია (დაბა ქედის საჯარო სკოლა).
ტრენინგზე განხილული იყო შემდეგი საკითხები:
• კლასის დამრიგებლის უფლება-მოვალეობები;
• სადამრიგებლო პროგრამის წარმოების წესი;
• კლას-საათის დაგეგმვა;
• ზოგადსაგანმანათლებლო დაწესებულებების მოსწავლეთა ექსკურსიების მოწყობის წესი;
• მოსწავლის პირადი საქმის წარმოების წესი;
• ელექტრონული (efllow) დოკუმენტბრუნვის წესი.
მოდული ასევე ითვალისწინებს საკითხავ მასალას და პრაქტიკულ სავარჯიშოებს მონაწილეთათვის.
10 ნოემბერს ქობულეთში ტრენინგის მიმდინარეობას გაეცნო ბათუმის მასწავლებლის სახლის დირექტორის მოადგილე - ლალი ლომთათიძე. მონიტორინგს ახორციელებდა ბათუმის მასწავლებლის სახლის მიმართულების კოორდინატორი - თინათინ ციცხვაია.
კლასის დამრიგებელის საქმიანობის ხელშეწყობის ტრენინგი ეტაპობრივად ჩატარდება აჭარის ყველა მუნიციპალიტეტში.