დაწყებითი საფეხურის (1-4 კლ.) მასწავლებელთა ინტეგრირებული ტრენინგები დასრულდა

✅ აჭარის ავტონომიური რესპუბლიკის განათლების, კულტურისა და სპორტის სამინისტროსა და სსიპ მასწავლებელთა პროფესიული განვითარების ეროვნულ ცენტრს შორის არსებული ურთიერთთანამშრომლობის მემორანდუმის ფარგლებში ა(ა)იპ აჭარის განათლების ფონდი/ბათუმის მასწავლებლის სახლი ასრულებს ტრენინგებს საჯარო და კერძო სკოლების სტატუსიანი მასწავლებლებისათვის.
✅ 2022 წლის ივლისში ბათუმის მასწავლებლის სახლში დაიგეგმა და TEAMS-ის პლატფორმაზე ჩატარდა ვებინარული ტრენინგი - „კომბინირებული მოდული I-IV კლასის უფროსის სტატუსის მქონე მასწავლებლებისათვის“ უფროსი მასწავლებლის სტატუსის მქონე დაწყებითი საფეხურის (I-IV კლასის) ქართული ენისა და ლიტერატურის, მათემატიკის და ბუნებისმეტყველების მოქმედი მასწავლებლების ორი ჯგუფისათვის.  
✅ ტრენინგ-მოდულს: „კომბინირებული მოდული I-IV კლასის უფროსის სტატუსის მქონე მასწავლებლებისათვის“ 2022 წლის 9-18 ივლისს ატარებდა ბათუმის მასწავლებლის სახლის ტრენერი დალი თურმანიძე; ხოლო 16-25 ივლისს - ტრენინგს ატარებდა ბათუმის მასწავლებლის სახლის ტრენერი მზია სალაძე.

ტრენინგ-მოდულის ხანგრძლივობა და დროში განაწილება: 20 საკონტაქტო საათი, 10 სესია, ერთი სესია - 2 საათი.
✅ აღნიშნული ტრენინგ-მოდულის მიზანია მასწავლებლები გაეცნონ შემდეგ საკითხებს:

• ეროვნული სასწავლო გეგმის კომპონენტები;

• ქართულის სწავლების თანამედროვე მიდგომები;

• STEAM პროექტების დაგეგმვა და განხორციელება;

• საინფორმაციო და საკომუნიკაციო ტექნოლოგიების გამოყენება მათემატიკის სწავლებაში;

• ბუნებისმეტყველების სწავლების თავისებურებები.
✅ ტრენინგ-მოდულის დასრულების შემდეგ მონაწილეები შეძლებენ:
 • გაიღრმავონ პროფესიული ცოდნა და უნარები;

 • დაეუფლონ ქართულის სწავლების თანამედროვე სტრატეგიებს;

 • მიზნობრივად და ეფექტიანად შეარჩიონ და გამოიყენონ   ელექტრონული რესურსები მათემატიკის სწავლებისას;

 • დაეუფლებიან ბუნებისმეტყველების სწავლების თანამედროვე მეთოდურ სტრატეგიებს;

 • დისტანციური სწავლების პროცესში Microsoft Teams გამოყენებას.
✅ იმისათვის, რომ მონაწილეს წარმატებით გავლილად ჩაეთვალოს ტრენინგი, მან მოდულის დასრულებისას უნდა დააკმაყოფილოს შემდეგი მოთხოვნები:
• დაესწროს ტრენინგის 70%-ს (ქართული ენა და ლიტერატურა - მინიმუმ 3 სესია, მათემატიკა - მინიმუმ 3 სესია, ბუნებისმეტყველება - მინიმუმ 1 სესია);
• გადალახოს სატრენინგო შეფასების მინიმალური ზღვარი - 60%
✅ ტრენინგების მიმდინარეობას პერიოდულად გეცნობოდნენ: დირექტორის მოადგილე მასწავლებელთა პროფესიული განვითარების მიმართულებით- ლალი ლომთათიძე და მიმართულების კოორდინატორი - ხატია ბერიძე.