დასრულდა ტრენინგი რუსული ენის წამყვანი მასწავლებლებისათვის
➡️ აჭარის ავტონომიური რესპუბლიკის განათლების, კულტურისა და სპორტის სამინისტროსა და სსიპ მასწავლებელთა პროფესიული განვითარების ეროვნულ ცენტრს შორის არსებული ურთიერთთანამშრომლობის მემორანდუმის ფარგლებში ა(ა)იპ აჭარის განათლების ფონდი/ბათუმის მასწავლებლის სახლი ასრულებს 2022 წლის ტრენინგებს საჯარო და კერძო სკოლების სტატუსიანი მასწავლებლებისათვის.
➡️ 2022 წლის 5-10 დეკემბერს ბათუმის მასწავლებლის სახლში დაიგეგმა და TEAMS-ის პლატფორმაზე ჩატარდა ვებინარული ტრენინგი რუსული, როგორც უცხოური ენის მოქმედი წამყვანი მასწავლებლების ჯგუფისათვის.
➡️ ტრენინგ-მოდულს: „პროექტზე და პრობლემაზე დაფუძნებული სწავლება რუსული ენის გაკვეთილზე წამყვანი მასწავლებლებისათვის“ ატარებდა ბათუმის მასწავლებლის სახლის ტრენერი - ლალი მსხილაძე. ტრენინგ-მოდულის ხანგრძლივობა და დროში განაწილება: 12 საკონტაქტო საათი, 6 სესია, ერთი სესია - 2 საათი.
➡️ ტრენინგ-კურსის მიზანია მონაწილეები გაეცნონ:
• გაეცნონ პრობლემაზე და პროექტზე დაფუძნებული სწავლების დანერგვის ხერხებს სასწავლო პროცესში;
• გაეცნონ და შექმნან ინტეგრირებულ სასწავლო პროექტები;
• სწავლა-სწავლების პროცესში მაიკროსოფტის სხვადასხვა სერვისის გამოყენება.
➡️ ტრენინგ-მოდულის დასრულების შემდეგ მონაწილეები შეძლებენ:
• პრობლემაზე და პროექტზე დაფუძნებული სწავლების დანერგვას;
• შექმნიან ინტეგრირებულ სასწავლო პროექტებს;
• შეძლებენ დისტანციური სწავლების პროცესში Microsoft Teams გამოყენებას.
➡️ იმისათვის, რომ მონაწილეს წარმატებით გავლილად ჩაეთვალოს ტრენინგი, მან მოდულის დასრულებისას უნდა დააკმაყოფილოს შემდეგი მოთხოვნები:
• დაესწროს ტრენინგის 70%-ს, მინიმუმ 4 სესიას;
• გადალახოს სატრენინგო შეფასების მინიმალური ზღვარი - 60%.
➡️ 9 დეკემბერს ტრენინგის მიმდინარეობას გაეცნო დირექტორის მოადგილე მასწავლებელთა პროფესიული განვითარების მიმართულებით - ლალი ლომთათიძე.