ტრენინგი - ,,ტრანზიციის პროცესი, რომელიც სკოლიდან იწყება’’
2019 წლის 4-5 მაისს ბათუმის მასწავლებლის სახლში ჩატარდა ინკლუზიური განათლების ხელშემწყობი პროგრამის ტრენინგ-მოდული: ,,ტრანზიციის პროცესი, რომელიც სკოლიდან იწყება’’, 10 საკონტაქტო საათი.
ტრენინგს ატარებდა სსიპ მასწავლებელთა პროფესიული განვითარების ეროვნული ცენტრის ინკლუზიური განათლების ტრენერი - ელზა ხუხუნაიშვილი.
ტრენინგის მსმენელები იყვნენ ბათუმის მასწავლებლის სახლის ტრენერები: თამარ გოგიშვილი, ინგა ზარანდია, ლელა თავდგირიძე, დალი თურმანიძე, ნინო მიქელაძე; აჭარის საჯარო და კერძო სკოლების მასწავლებლები.
ტრენინგის მონაწილეებს საშულება ქონდათ გაეაზრებინათ პროფესიული ორიენტაციის მნიშვნელობის/არსი; შეიმუშავეს „ტრანზიციის“ კონსოლიდირებული დეფინიცია; განსაზღვრეს ტრანზიციის ხელშემწყობი აქტივობები და სასარგებლო რესურსები პროფესიული ორიენტაციისა და კონსულტირებისას; გაეცვნენ ინდივიდუალური ტრანზიციის პროცესის და იტგ-ს, ინდივიდუალური ტრანზიციის გეგმის ფაზებს, და შეადგინეს იტგ.
ტრენინგის პრაქტიკული დავალებების მიზანია მონაწილის მიერ ტრენინგზე განხილული საკითხების გადატანა პრაქტიკაში. დავალებები დაეხმარება მონაწილეს მობილიზებასა და საკუთარი პრაქტიკის ანალიზში ტრანზიციის პროცესთან მიმართებით; ტრანინგზე განხილული საკითხების მოსინჯვაში და საკუთარი მხრიდან ინდივიდუალური ტრანზიციის გეგმაზე მუშაობის პროცესის დანერგვაში.
4 მაისს ტრენინგის მიმდინარეობას გაეცნო ბათუმის მასწავლებლის სახლის დირექტორის მოადგილე - ლალი ლომთათიძე.
ტრენინგებს მონიტორინგს ახორციელებდა ინკლუზიური განათლების მიმართულების კოორდინატორი - თინათინ ციცხვაია.
ინკლუზიური განათლების ტრენინგები ეტაპობრივად დაიგეგმება აჭარის ყველა მუნიციპალიტეტში.
