დამრიგებლის საქმიანობის ტრენინგები დასრულდა
2019 წლის 16-17 ნოემბერს, ხულოსა და ბათუმში დაიგეგმა და ჩატარდა ტრენინგ-კურსი - “დამრიგებლის საქმიანობის ხელშეწყობა”. კურსი მოიცავს 10 საკონტაქტო და 5 არასაკონტაქტო საათს (ორი სატრენინგო დღე, დღეში 5 სთ.)
ტრენინგებს ატარებდნენ ტრენერები: მარიზა აბაშიძე, ნათია თავდგირიძე (ბათუმის მასწავლებლის სახლი) და ანა ლორია (დაბა ხულოს საჯარო სკოლა).
ტრენინგზე განხილული იყო შემდეგი საკითხები:
• კლასის დამრიგებლის უფლება-მოვალეობები;
• სადამრიგებლო პროგრამის წარმოების წესი;
• კლას-საათის დაგეგმვა;
• ზოგადსაგანმანათლებლო დაწესებულებების მოსწავლეთა ექსკურსიების მოწყობის წესი;
• მოსწავლის პირადი საქმის წარმოების წესი;
• ელექტრონული (efllow) დოკუმენტბრუნვის წესი.
მოდული ასევე ითვალისწინებდა საკითხავ მასალას და პრაქტიკულ სავარჯიშოებს მონაწილეთათვის.
16 ნოემბერს ბათუმში ტრენინგის მიმდინარეობას გაეცნო ბათუმის მასწავლებლის სახლის დირექტორის მოადგილე - ლალი ლომთათიძე. ადგილზე მონიტორინგს ახორციელებდა ბათუმის მასწავლებლის სახლის მიმართულების კოორდინატორი - ირმა მახარაძე.
კლასის დამრიგებელის საქმიანობის ხელშეწყობის ტრენინგი 2020 წლიდან გაგრძელდება და ეტაპობრივად ჩატარდება აჭარის ყველა მუნიციპალიტეტში.