კონკურსში “პროექტი ჩემს გაკვეთილზე” გამარჯვებული პროექტები
აჭარის ავტონომიური რესპუბლიკის განათლებისა და სპორტის სამინისტრო 2023 წლიდან ახორციელებს პროგრამას "პროექტი ჩემს გაკვეთილზე", რომლის მიზანიც, საგანმანათლებლო აქტივობების გამრავალფეროვნების გზით, ზოგადი განათლების ეროვნული მიზნების მიღწევაში მასწავლებლების მხარდაჭერაა.
პროგრამის ფარგლებში პროექტების შერჩევა ხდება კონკურსის გზით.
2025 წელს საკონკურსო პერიოდში შემოვიდა 516 განაცხადი, რომელთაგან კომისიამ დაფინანსებისთვის 100 პროექტი შეარჩია.
კონკურსში გამარჯვებული პროექტის განმახორციელებელი მასწავლებელი სასწავლო წლის განმავლობაში მიიღებს სახელფასო დანამატს 500 ლარის ოდენობით და პროექტის განხორციელებისთვის საჭირო რესურსების შესაძენად დამატებით 1000 ლარს, რაც უზრუნველყოფს პროექტის წარმატებულ განხორციელებას და სასწავლო პროცესის გაუმჯობესებას.
