აჭარის პედაგოგთა IV რეგიონული კონფერენცია

ა(ა)იპ აჭარის განათლების ფონდი/ბათუმის მასწავლებლის სახლი აცხადებს აჭარის პედაგოგთა IV რეგიონული კონფერენციის მონაწილეთა რეგისტრაციას!

კონფერენცია სახელწოდებით:  „სწავლა/სწავლებისა და განათლების მართვის თანამედროვე მიდგომები” გაიმართება 2017 წლის 22-24 დეკემბერს.

კონფერენციის მიზანი: 

 მასწავლებელთა პროფესიული უნარ-ჩვევების განვითარება და ამ მიზნით პედაგოგთა საუკეთესო გამოცდილების გაზიარება

 სკოლაში ინკლუზიური განათლების პრინციპების დანერგვის პრაქტიკა და გამოცდილების გაზიარება

 სკოლებში ბუნებრივი კატასტროფების რისკის მართვის სწავლების გამოცდილების გაზიარება 

 განათლების მართვის სფეროში აქტუალური საკითხების, მართვის წარმატებული მაგალითების გაზიარება.

 

კონფერენციის ძირითადი მიმართულებები:

 2011-2016 წ.წ. ეროვნული სასწავლო გეგმით (მოქმედი რედაქცია)  განსაზღვრული საგნობრივი პროგრამები. 

 ბუნებრივი კატასტროფების რისკის შემცირების  სწავლების გამოცდილება;

 ინკლუზიური განათლების პრინციპების დანერგვა;

 განათლების მართვის აქტუალური საკითხები.

კონფერენციაში მონაწილეობის მიღება  შეუძლია:

 მასწავლებლის საქმიანობის დაწყების, პროფესიული განვითარებისა და კარიერული წინსვლის სქემაში ჩართული საჯარო და კერძო ზოგადსაგანმანათლებლო დაწესებულებების მოქმედ მასწავლებლებს, აგრეთვე სკოლის სპეც. მასწავლებლებს;

 სკოლის ადმინისტრაციის  და საგანმანათლებლო რესურსცენტრების წარმომადგენლებს. 

კონფერენციის  მონაწილეებს გადაეცემათ  სერტიფიკატები, რომლის საფუძველზეც მოხდება სკოლის შიდა  შეფასების ჯგუფის მიერ შესაბამისი კრედიტ-ქულის მინიჭება.

საკონფერენციო ნაშრომი უნდა ეფუძნებოდეს მომხსენებლის  მიერ 2016-2017 სასწავლო წელს სასწავლო პროცესში განხორციელებულ აქტივობა/აქტივობებს.

კონფერენციაში მონაწილეობის მსურველებმა უნდა გამოგზავნონ  მოხსენებები ელექტრონული ფოსტის მითითებულ მისამართებზე  მოთხოვნილი ფორმატის შესაბამისად მიმდინარე წლის 16 ოქტომბრიდან 16 ნოემბრის ჩათვლით.

 

დეტალური ინფორმაციის მისაღებად მიჰყევით ბმულს.

რეგისტრაციის ფორმა.

წარსადგენი დოკუმენტაცია.