ხულოსა და შუახევში კლასკომპლექტში სწავლების ტრენინგები დასრულდა
2019 წლის 9-10 და 16-17 ნოემბერს ხულოსა და შუახევის პედაგოგებისათვის მეორედ ჩატარდა ტრენინგი კლასკომპლექტში სწავლების სპეციფიკის შესახებ.
ტრენინგ-კურსი - „კლას-კომპლექტში მუშაობის სპეციფიკა და სასწავლო პროცესის ეფექტურად დაგეგმვა“ მოიცავს 20 საკონტაქტო და 10 არასაკონტაქტო საათს (ოთხი სატრენინგო დღე, დღეში 5 სთ.)
ტრენინგზე მსმენელები ეცნობიან და მიმოიხილავენ:
• კლას-კომპლექტების თავისებურებებს,
• კლასის ორგანიზების ფორმებს,
• სასწავლო ზონებში მუშაობის სპეციფიკას;
• გაკვეთილის დაგეგმვას,
• თანამშრომლობითი სწავლების მეთოდებს,
• სწავლის პროცესში მოსწავლეთა ინდივიდუალური თავისებურებების გათვალისწინების სპეციფიკას.
ტრენინგებს ატარებდნენ ბათუმის მასწავლებლის სახლის ტრენერები: დალი თურმანიძე (დაბა ხიჭაურის საჯარო სკოლა) და ლეილა წულუკიძე (დაბა ხულოს საჯარო სკოლა).
აღნიშნული ტრენინგები 2020 წლიდან გაგრძელდება და ეტაპობრივად ჩატარდება აჭარის ყველა მუნიციპალიტეტში, სადაც კლასკომპლექტში სწავლება მიმდინარეობს.