წამყვანი მასწავლებლების ზოგადპროფესიული უნარების ტრენინგები დასრულდა
➡ აჭარის განათლების, კულტურისა და სპორტის სამინისტროს მხარდაჭერით ა(ა)იპ აჭარის განათლების ფონდში (ბათუმის მასწავლებლის სახლში) დასრულდა ტრენინგები საჯარო და კერძო სკოლების წამყვანი მასწავლებლებისათვის.
➡ 2021 წლის 4-9 ოქტომბერს ბათუმის მასწავლებლის სახლში დაიგეგმა და ჩატარდა ზოგადპროფესიული უნარების ტრენინგები წამყვანი მასწავლებლისათვის. ტრენინგ-მოდულის ხანგრძლივობა და დროში განაწილება: 12 საკონტაქტო საათი, 6 სესია, ერთი სესია - 2 საათი.
➡ ტრენინგ-მოდულს: „როგორ განვავითაროთ მოსწავლეებში პრობლემის შემოქმედებითად გადაჭრის უნარები“, ატარებდა ბათუმის მასწავლებლის სახლის ტრენერი: თამთა კვარაცხელია.
➡ აღნიშნული ტრენინგ-მოდულის მიზანია მონაწილეები გაეცნონ პრობლემის შემოქმედებითად გადაჭრის სტრატეგიებს, რათა შეძლონ პრაქტიკაში მიღებული ცოდნის ტრანსფერი.
➡ ტრენინგ-მოდულის თემატიკა: შემოქმედებითი და კრიტიკული აზროვნების არსი, განსხვავება ამ ორი ტიპის აზროვნებას შორის; კრეატიულობის განვითარების გენერაციულობის თეორია; პრობლების შემოქმედებითად გადაჭრა - გენერირების და ფოკუსირების ფაზების მონაცვლეობა; პრობლემის შემოქმედებითად გადაჭრის სტრატეგიები და მათი გამოყენება პრაქტიკაში.
➡ ტრენინგ-მოდულის დასრულების შემდეგ მონაწილეებს შეუძლიათ სასწავლო თემის, ცნებებისა და მკვიდრი წარმოდგენების შესაბამისად პრობლემის შემოქმედებითად გადაჭრის სტრატეგიების ინტეგრირება თემატური ერთეულის დაგეგმვისას.
➡ იმისათვის, რომ მონაწილეს წარმატებით გავლილად ჩაეთვალოს ტრენინგი, მან მოდულის დასრულებისას უნდა დააკმაყოფილოს შემდეგი მოთხოვნები: • დაესწროს ტრენინგის 80%-ს; • გადალახოს სატრენინგო შეფასების მინიმალური ზღვარი - 60%.
➡ მონაწილეთა შეფასების კომპონენტებია:
- რეფლექსური დღიური - 30 ქულა
- პროექტის გეგმა - 70 ქულა (50 ქულა - პროექტის გეგმა, 20 ქულა - პრეზენტაცია)
➡ ტრენინგების მიმდინარეობას პერიოდულად ეცნობოდა დირექტორის მოადგილე - ლალი ლომთათიძე.