დასრულდა ტრენინგები მოდულში - „ბავშვის განვითარება“
✅ აჭარის განათლების, კულტურისა და სპორტის სამინისტროსა და საქართველოში გაეროს ბავშვთა ფონდის (UNICEF) მხარდაჭერით ა(ა)იპ აჭარის განათლების ფონდმა (ბათუმის მასწავლებლის სახლი) დასრულა ადრეული და სკოლამდელი განათლების პროგრამის ტრენინგების მეორე ეტაპი.
✅ 2021 წლის 10-12 და 17-19 დეკემბერს, აჭარის ხუთი მუნიციპალიტეტის სკოლამდელი დაწესებულებების თანამშრომლებისათვის დაიგეგმა მე-2 ტრენინგ-მოდული: „ბავშვის განვითარება“.
✅ ტრენინგ-მოდული ჩატარდა „ზუმის“ პლატფორმაზე. ის მოიცავს 18 საკონტაქტო და 31 არასაკონტაქტო საათს. მისი ხანგრძლივობა არის 6 დღე, დღეში 3 საათი.
✅ ონლაინ ტრენინგს ატარებდნენ ბათუმის მასწავლებლის სახლის ტრენერები: თინათინ გიორგაძე (ბათუმი), მზია სალაძე (ქობულეთი), რიტა ნაკაშიძე (ხულო), ქეთევან კვაჭანტირაძე (შუახევი) ირმა გივრაძე (ქედა).
✅ მე-2 მოდულის საკითხებია: საგანმანათლებლო პროცესი საბავშვო ბაღში; თამაში, როგორც საგანმანათლებლო პროცესის განხორციელების მთავარი საშუალება; თამაშის ტიპები; აღმზრდელის როლის განსაზღვრა საგანმანათლებლო პროცესში; პოზიტიური დისციპლინა; მცირე და დიდ ჯგუფებთან მუშაობის სპეციფიკა; ტრანზიციისა და რუტინის როლი; საგანმანათლებლო პროცესის დაგეგმვა; საგანმანათლებლო პროცესის შეფასება.
✅ 17 დეკემბერს ტრენინგის მიმდინარეობას გაეცვნენ: აჭარის განათლების ფონდის დირექტორი - სულიკო თებიძე, დირექტორის მოადგილე მასწავლებელთა პროფესიული განვითარების მიმართულებით - ლალი ლომთათიძე და პროგრამის კოორდინატორი - ხატია ბერიძე.
✅ 2022 წლიდან ადრეული და სკოლამდელი განათლების პროგრამის ტრენინგები ეტაპობრივად დაიგეგმება და ჩატარდება აჭარის ყველა მუნიციპალიტეტის სკოლამდელი დაწესებულების თანამშრომლებისათვის.