2023 წლის მასწავლებელთა გამოცდების სიახლეები
➡️ 2023 წლის მასწავლებლების გამოცდებისთვის რეგისტრაცია დაიწყო და 3 აპრილამდე გაგრძელდება. გამოცდები ჩატარდება როგორც საგნობრივი, ასევე სტატუსის ასამაღლებლად.
➡️ 2023 წელს მცირეოდენი ცვლილებები იგეგმება პედაგოგებისათვის განკუთვნილ გეოგრაფიისა და ასევე ინფორმაციული და საკომუნიკაციო ტექნოლოგიების საგამოცდო ტესტებში.
➡️ გეოგრაფიის მასწავლებლებს აღარ დაურიგდებათ A3-ის ფორმატის ტოპოგრაფიული რუკა, თითოეულ კითხვას ელექტრონულ ბუკლეტშივე მიმაგრებული ექნება ტოპოგრაფიული რუკის მცირე ზომის ფრაგმენტი.
➡️ „ინფორმაციული საკომუნიკაციო ტექნოლოგიების საგნის მასწავლებლის გამოცდას“ დაერქმევა „კომპიუტერული ტექნოლოგიების საგნის მასწავლებლის გამოცდა“. საგამოცდო პროგრამას დაემატება ვიზუალური პროგრამირების საკითხები - პროგრამა Scratch-ი.
➡️ წამყვანი და მენტორი მასწავლებლობის მსურველთა გამოცდა პროფესიულ უნარებში 2023 წელს გამოცდის ხანგრძლივობა იქნება 5 საათი.
➡️ ცვლილებები შევიდა პედაგოგთა კარიერული წინსვლის სქემაშიც. მასწავლებლის პრაქტიკული საქმიანობის შეფასება მოხდება ორდონიანი პორტფოლიოს მეშვეობით. მას მასწავლებელი ასახავს პორტფოლიოში, რომელიც განთავსებულია სკოლების მართვის საინფორმაციო სისტემაში, eschool-ის ელექტრონულ სივრცეში.
➡️ წამყვანი და მენტორი მასწავლებლის სტატუსის მსურველი ვალდებულია, პორტფოლიოში წარმოადგინოს საკუთარი საქმიანობის რეფლექსია და განხორციელებული აქტივობების მტკიცებულებები, რომლებიც ადასტურებს შესაბამისი კომპეტენციების ფლობას შემდეგი სამი მიმართულებით: 1. სასწავლო პროცესის დაგეგმვა და წარმართვა; 2. სკოლის განვითარებაზე ორიენტირებული აქტივობების განხორციელება; 3. პროფესიული პასუხისმგებლობა.
