გრძელდება ტრენინგები ქართული ენის (1-6 კლ.) უფროსი მასწავლებლებისათვის

✅ აჭარის ავტონომიური რესპუბლიკის განათლების, კულტურისა და სპორტის სამინისტროსა და სსიპ მასწავლებელთა პროფესიული განვითარების ეროვნულ ცენტრს შორის არსებული ურთიერთთანამშრომლობის მემორანდუმის ფარგლებში ა(ა)იპ აჭარის განათლების ფონდი/ბათუმის მასწავლებლის სახლი აგრძელებს ტრენინგებს საჯარო და კერძო სკოლების სტატუსიანი მასწავლებლებისათვის.

✅ 2023 წლის 10-19 მარტს  ბათუმის მასწავლებლის სახლში დაიგეგმა და TEAMS-ის პლატფორმაზე ჩატარდა  ტრენინგი უფროსი მასწავლებლის სტატუსის მქონე ქართული ენისა და ლიტერატურის (1-6 კლ.) მოქმედი მასწავლებლების სამი ჯგუფისათვის.  ტრენინგ-მოდულის ხანგრძლივობა და დროში განაწილება: 20 საკონტაქტო საათი, 10 სესია, ერთი სესია - 2 საათი.

✅ ტრენინგ-მოდულს: „სწავლა-სწავლების თანამედროვე სტრატეგიების გამოყენება ქართულის სწავლებისას დაწყებით საფეხურზე, უფროსი მასწავლებლებისთვის“ ატარებდნენ ბათუმის მასწავლებლის სახლის ტრენერები: მარიზა აბაშიძე, ნათია თავდგირიძე და თინათინ გიორგაძე.

✅ ტრენინგ-მოდულის თემატიკა: დაწყებითი საფეხურის ქართული ენისა და ლიტერატურის უფროსი  მასწავლებლები გაეცნობიან ქართული ენისა და ლიტერატურის სწავლა-სწავლების თანამედროვე სტრატეგიებს (თანამშრომლობითი სწავლება, პრობლემაზე დაფუძნებული სწავლება, თემატური ერთეულებით სწავლება, ინტეგრირებული სწავლება).

✅ ტრენინგ-კურსის მიზანია:

• მასწავლებელთა პროფესიული განვითარება, ცოდნის გაღრმავება, თანამედროვე სტრატეგიების გამოყენება ქართულის სწავლებისას;

• სწავლა-სწავლების პროცესში მაიკროსოფტის სხვადასხვა სერვისის გამოყენება.

✅ ტრენინგ-მოდულის დასრულების შემდეგ მონაწილეები შეძლებენ:

• გაიღრმავონ  პროფესიული ცოდნა და უნარები;

• დაეუფლონ ქართულის სწავლების თანამედროვე სტრატეგიებს;

• მიზნობრივად  და ეფექტიანად  შეარჩიონ  და გამოიყენონ   სწავლა-სწავლების თანამედროვე სტრატეგიები ქართული ენისა და ლიტერატურის სწავლებისას სწავლებისას.

✅ იმისათვის, რომ მონაწილეს წარმატებით გავლილად ჩაეთვალოს ტრენინგი, მან მოდულის დასრულებისას უნდა დააკმაყოფილოს შემდეგი მოთხოვნები:

• დაესწროს ტრენინგის 70%-ს

• გადალახოს სატრენინგო შეფასების მინიმალური ზღვარი - 60%

✅ 15 მარტს ტრენინგის მიმდინარეობას გაეცნო დირექტორის მოადგილე მასწავლებელთა პროფესიული განვითარების მიმართულებით- ლალი ლომთათიძე.