ტრენინგი ხელოვნების უფროსი მასწავლებლებისათვის: „მუზეუმები და საველე პრაქტიკა“
➡️ აჭარის ავტონომიური რესპუბლიკის განათლების, კულტურისა და სპორტის სამინისტროსა და სსიპ მასწავლებელთა პროფესიული განვითარების ეროვნულ ცენტრს შორის არსებული ურთიერთთანამშრომლობის მემორანდუმის ფარგლებში ა(ა)იპ აჭარის განათლების ფონდი/ბათუმის მასწავლებლის სახლი აგრძელებს ტრენინგებს საჯარო და კერძო სკოლების სტატუსიანი მასწავლებლებისათვის.
➡️ 2022 წლის 27-30 ივნისს ბათუმის მასწავლებლის სახლში დაიგეგმა და TEAMS-ის პლატფორმაზე ჩატარდა ვებინარული ტრენინგი უფროსი მასწავლებლის სტატუსის მქონე ხელოვნების მოქმედი მასწავლებლებისათვის. ტრენინგ-მოდულის ხანგრძლივობა და დროში განაწილება: 8 საკონტაქტო საათი, 4 სესია, ერთი სესია - 2 საათი.
➡️ ტრენინგ-მოდულს: „მუზეუმები და საველე პრაქტიკა უფროსი მასწავლებლებისათვის“ ატარებდა ბათუმის მასწავლებლის სახლის ტრენერი: ხათუნა ლომაძე.
➡️კურსის მიზანია: კურსის მიზანია მონაწილეებს მისცეს ზოგადსაგანმანათლებლო სკოლის საბაზო და საშუალო საფეხურზე სახვითი და გამოყენებითი ხელოვნების სწავლებისათვის აუცილებელი საგნობრივი ცოდნა და უნარები.
➡️ ტრენინგ-მოდულის დასრულების შემდეგ მონაწილეები შეძლებენ:
• მუზეუმის, როგორც სასწავლო რესურსის საგანმანათლებლო პოტენციალის გაცნობიერებას;
• სამუზეუმო გაკვეთილების დაგეგმვასა და შესაბამისი სტრატეგიების გაცნობა/შემუშავებას;
• ადგილობრივი მუზეუმების პროგრამების გაცნობას და მათ შესახებ მსჯელობას;
• საველე პრაქტიკის მნიშვნელობის გაცნობიერებას;
• დისტანციური სწავლების პროცესში Microsoft Teams გამოყენებას;
• კულტურული მემკვიდრეობის დაცვის მნიშვნელობის გაცნობიერებას;
• შესაბამისი აქტივობების გაცნობა/დაგეგმვას;
• ეროვნული სასწავლო გეგმის მიზნებთან შესაბამისობის დადგენას.
➡️ იმისათვის, რომ მონაწილეს წარმატებით გავლილად ჩაეთვალოს ტრენინგი, მან მოდულის დასრულებისას უნდა დააკმაყოფილოს შემდეგი მოთხოვნები:
• დაესწროს ტრენინგის 70%-ს
• გადალახოს სატრენინგო შეფასების მინიმალური ზღვარი - 60%
➡️30 ივნისს ტრენინგების მიმდინარეობას გაეცნო დირექტორის მოადგილე მასწავლებელთა პროფესიული განვითარების მიმართულებით- ლალი ლომთათიძე.