სამუშაო შეხვედრა აჭარის განათლების სამინისტროში

✅ 2023 წლიდან ა(ა)იპ აჭარის განათლების ფონდში ხორციელდება ახალი პროგრამა - აჭარის ავტონომიური რესპუბლიკის განათლების, კულტურისა და სპორტის სამინისტროს  ქვეპროგრამის - "ვასწავლოთ მომავალი წარმატებისათვის"  მონაწილე მასწავლებლების საქმიანობის მონიტორინგი.

✅ 2023 წლის 18 დეკემბერს აჭარის არ განათლების კულტურისა და სპორტის სამინისტროში შედგა სამუშაო შეხვედრა ქვეპროგრამაში ჩართული მასწავლებლების  საქმიანობის მონიტორინგის შედეგების შესახებ.

✅ შეხვედრაში მონაწილეობდნენ: სამინისტროს განათლების დეპარტამენტის უფროსი - ნაზიბროლა ბერიძე-გაბაიძე,  სკოლამდელი და ზოგადი განათლების განყოფილების უფროსი - შუშანა სურმანიძე, ქვეპროგრამის კოორდინატორი - მაია დოლიძე; აჭარის განათლების ფონდის დირექტორის მოადგილე - ლალი ლომთათიძე, ფონდის ტრენერები - ე. თურმანიძე, დ. აბურჯანია, თ. კვაჭაძე, ფონდის კოორდინატორი - ანა ლამპარაძე.

✅ პროგრამისთვის ფონდში შემუშავდა კითხვარები, რომელთა მიზანია მრავალმხრივ შევისწავლოთ მოსაზრებები აღნიშნულ პროგრამასთან დაკავშირებით. გამოკითხვა ისახავს მიზნად ნაყოფიერი და თანამშრომლობითი ურთიერთობების განვითარებას.

✅ მონიტორინგის მიზნით შეირჩნენ ფონდის საგნობრივი მიმართულების ტრენერები: დალი აბურჯანია და თინათინ კვაჭაძე (ინგლისური ენა), ეკატერინე თურმანიძე (ფიზიკა-მათემატიკა).

✅ 2023 წლის 21 ნოემბრიდან - 12 დეკემბერის ჩათვლით  ისინი აწარმოებდნენ დაკვირვებას ქვეპროგრამაში დასაქმებულ მასწავლებლებზე წინასწარ დამტკიცებული განრიგის მიხედვით. დაკვირვება განხორციელდა 15 პედაგოგზე.

✅ გამოკითხვის შედეგები დაგვეხმარება მაქსიმალურად გავითვალისწინოთ ბენეფიციართა განწყობა და ხელი შევუწყოთ მათ სასწავლო პროცესთან დაკავშირებულ საქმიანობის უკეთ წარმართვაში.