სამუშაო შეხვედრა - პროგრამა „ვმწ“-ს მონაწილეთა მხარდაჭერა
✅ 2023 წლიდან ა(ა)იპ აჭარის განათლების ფონდში ხორციელდება ახალი პროგრამა - აჭარის ავტონომიური რესპუბლიკის განათლების, კულტურისა და სპორტის სამინისტროს ქვეპროგრამის - "ვასწავლოთ მომავალი წარმატებისათვის" მონაწილე მასწავლებლების საქმიანობის მონიტორინგი.
✅ მონიტორინგმა აჩვენა დადებითი დინამიკა - ქვეპროგრამაში დასაქმებული მასწავლებლები აწარმოებენ პორტფოლიოებს, განსაზღვრავენ საჭიროებებს საგნის სწავლების მიზნები და და პრობლემატიკიდან გამომდინარე.
✅ მონიტორინგის შედეგად, ასევე, გამოიკვეთა, "ვასწავლოთ მომავალი წარმატებისათვის" პროექტის ფარგლებში ქედის, შუახევისა და ხულოს მუნიციპალიტეტების საჯარო სკოლებში მომუშავე მასწავლებლების გაძლიერებისა და ადგილზე პროფესიული მხარდაჭერის (ქოუჩინგი) საჭიროება.
✅ 2024 წლის 28 თებერვალს ჩატარდა ონლაინ შეხვედრა ფონდის ტრენერებთან/ქვეპროგრამის მონიტორინგის სპეციალისტებთან. პროგრამა „ვმწ“-ს მონაწილეთა მხარდაჭერის მიზნით ა(ა)იპ აჭარის განათლების ფონდი, ბათუმის მასწავლებლის სახლი, ქვეპროგრამის მონაწილე პედაგოგებს სთავაზობს სამუშაო შეხვედრებს/ვორქშოფებს. ეს პედაგოგიური გამოცდილების ურთიერთგაცვლისა და გავრცელების ერთერთი ყველაზე ეფექტური საშუალებაა, სადაც ტრენერის, როგორც პედაგოგის მუშაობის მეთოდებისა და ხერხების პირდაპირი კომენტირებული ჩვენება ხდება. შეხვედრაზე განიხილეს საგნობრივი ვორქშოფების საჭიროება და თემატიკა.
✅ შეხვედრაში მონაწილეობდნენ: აჭარის განათლების ფონდის დირექტორის მოადგილე - ლალი ლომთათიძე, განათლების ფონდის ტრენერები/ქვეპროგრამის მონიტორინგის სპეციალისტები: ეკა თურმანიძე, დალი აბურჯანია, თინიკო კვაჭაძე, როინ ნაკაიძე, ქეთი ბასილაძე, ნატო ზამთარაძე.